ஃபோர்டிஸ் வடபழனி, சென்னை  ‘பாம்பே பினோடைப்’ என்ற அரிய வகை இரத்தத்தை விமானம் மூலம் கொல்கத்தாவுக்கு அனுப்பி 63 வயதான நோயாளியின் உயிரைக் காப்பாற்றினர்.!!

சென்னை 25 ஜனவரி 2023 ஃபோர்டிஸ் வடபழனி, சென்னை  ‘பாம்பே பினோடைப்’ என்ற அரிய வகை இரத்தத்தை விமானம் மூலம் கொல்கத்தாவுக்கு அனுப்பி 63 வயதான நோயாளியின் உயிரைக் காப்பாற்றினர்.!!

சென்னை: கொல்கத்தாவில் உள்ள ஒரு தனியார் மருத்துவமனையில் அனுமதிக்கப்பட்ட நோயாளியின் உயிரைக் காப்பாற்றுவதற்காக, வடபழனி ஃபோர்டிஸ் மருத்துவமனை, அரிய வகை இரத்தக் குழுவான ‘பாம்பே பினோடைப்’ இரத்தத்தை அனுப்பி உதவியது. ஃபோர்டிஸ் மருத்துவமனை வடபழனி கொல்கத்தா மருத்துவக் கல்லூரி மற்றும் மருத்துவமனையிலிருந்து நாள் பட்ட சிறுநீரக நோயால் பாதிக்கப்பட்ட 63 வயது பெண் நோயாளிக்கு அரிய வகை இரத்தம் தேவைக்கான கோரிக்கையைப் பெற்றது. இந்தக் கோரிக்கையை ஃபோர்டிஸ் வடபழனியின் இரத்த மையம் மதிப்பிட்டு, தேவையான ஏற்பாடுகளை செய்து இரத்தம் கொல்கத்தாவுக்கு விமானம் மூலம் அனுப்பப்பட்டது. 

கொல்கத்தா மருத்துவக் கல்லூரி மற்றும் மருத்துவமனைக்கு 6 மணி நேரத்திற்குள் ஒரு யூனிட் ரத்தம் பாதுகாப்பாக வழங்கப்பட்டது.

மறுநாள் கொல்கத்தா மருத்துவக் கல்லூரியில் பாம்பே ஆர்எச் பாசிட்டிவ் நிரம்பிய சிவப்பு அணுக்கள் கிராஸ்மேட்ச் செய்யப்பட்டு இரத்தமாற்றம் செய்ய பாதுகாப்பானதாக அறிவிக்கப்பட்டது. நோயாளிக்கு அடுத்த நாள் வெற்றிகரமாக பாம்பே ரத்தம் ஏற்றப்பட்டு 24 மணி நேரத்திற்குப் பிறகு டிஸ்சார்ஜ் செய்யப்பட்டார். 2022 ஆம் ஆண்டில் இந்தியா முழுவதும் இதுபோன்ற 32 அரிய ரத்தப் பொருள் பரிமாற்றத்தை ஒருங்கிணைத்த சென்னையைச் சேர்ந்த தன்னார்வ ரத்த தானக் குழுவான பிளேட்லெட் கிளப் இந்த இரத்தப் பரிமாற்றத்தை வெற்றிகரமாக செய்தது. இரதம் சேகரிப்பிலிருந்து நோயாளிக்கு கொடுப்பது வரை சரியான மற்றும் விரைவான தகவல்தொடர்புகளை ஏற்படுத்தியத்தின் மூலம் பரிமாற்றம் தாமதமின்றி சுமூகமாக நடைபெற்றது. 

வடபழனி, ஃபோர்டிஸ் மருத்துவமனையின் இரத்த மாற்று மருத்துவ ஆலோசகர் டாக்டர் சண்முக பிரியா ஆர்.ஏ., கூறுகையில், “1952 ஆம் ஆண்டு டாக்டர். ஒய் எம் ஃபெண்டே என்பவரால் மும்பையில் அரிய பம்பாய் இரத்த வகை கண்டுபிடிக்கப்பட்டது. உலகம் முழுவதும் 4 மில்லியனில் ஒருவருக்கு மட்டுமே பாம்பே வகை அல்லது ‘ எச் எச்‘ குழு உள்ளது, இது அரிய வகை இரத்த வகையாகும். அரிதான பாம்பே ரத்த வகையும், ‘ஓ’ ரத்த வகையும் அடிக்கடி குழப்பிக் கொள்ளப்படுகின்றன. ‘எச்’ ஆன்டிஜெனுக்கான ஒரு குறிப்பிட்ட சோதனைக்குப் பிறகுதான் பாம்பே ரத்தக் குழுவுக்கும் ‘ஓ’ ரத்தப் பிரிவினருக்கும் இடையே உள்ள வேறுபாடு கண்டறிய முடியும். இந்த இரத்த வகை கொண்டவர்கள் மிகக் குறைவு, எனவே தன்னார்வலர்களை அடையாளம் காண்பது சவாலானது. இந்தக் குறிப்பிட்ட நன்கொடையாளரை ஃபோர்டிஸ் மருத்துவமனையில் இருந்த நோய்வாய்ப்பட்ட தனது தந்தைக்கு இரத்த தானம் செய்தபோது நாங்கள் கண்டறிந்தோம்.” 

இந்த அரிய வகை ரத்த வகை குறித்து மேலும் தகவல்களை டாக்டர் சண்முக பிரியா ஆர்.ஏ, கூறுகையில் பலருக்கு இந்த அரிய ரத்த வகை இருப்பது தெரியாமல் இருப்பதாக விளக்கினார். இந்த அரிதான இரத்த வகை உள்ளவர்களை முடிந்தவரை தேவையான போது இரத்த தானம் செய்யுமாறும், அன்றாட வாழ்க்கையில் அதிக எச்சரிக்கையுடன் (ஹெல்மெட் அணிவது, வாகனம் ஓட்டும் போது சீட் பெல்ட் போடுவது போன்றவை) செயல்படுமாறும் அவர் கேட்டுக்கொண்டார்.

வடபழனி ஃபோர்டிஸ் மருத்துவமனையின் தலைவரான திரு. வெங்கட் ஃபனிதர் நெல்லூரி மாநில எல்லைகளுக்கு மத்தியில் ஒரு அரிதான இரத்த வகையை வெற்றிகரமாக கொண்டு சென்றது குறித்து கருத்துத் தெரிவிக்கையில், “ரத்தப் பற்றாக்குறை ஒரு கவலை படும்படியான விஷயமாக உள்ளது, குறிப்பாக இந்த அரிய வகை இரத்தம் போன்றவற்றிக்கு. உண்மையில், தேவையான உள்கட்டமைப்பு இருந்தால், எல்லைகளுக்குள் இரத்தத்தை மாற்றுவதன் மூலம் உயிர்களைக் காப்பாற்ற முடியும். வடபழனி ஃபோர்டிஸ் மருத்துவமனையில் அனைத்து ரத்த வகைகளையும் பரிசோதித்து, சேமித்து, நாடு முழுவதும் வழங்குவதற்கான அதிநவீன வசதிகள் உள்ளன என்று சொல்வதில் பெருமிதம் கொள்கிறோம். நன்கொடையாளர் மற்றும் சரியான நேரத்தில் சரியான நோயாளிக்கு சரியான இரத்த வகை கண்டறிதல், போக்குவரத்து மற்றும் பரிமாற்றத்தை செய்த அனைவருக்கும் நன்றி.”